ഇടയ്ക്കിടെ അവള്‍ സ്വപ്നങ്ങളില്‍ കടന്നു വരും.. എപ്പോയും ഉള്ള ആ മോണ കാട്ടിയുള്ള ചിരിയുമായി . .
ക്ഷണിക്കാതെ കടന്നു വരും .. പറയാതങ്ങു പോകും. . അവള്‍ എന്നും അങ്ങനെയാണ് ..
ക്ലോക്ക് 8 കാണിക്കുന്നു . ഓഫീസില്‍ പോണം . ഓര്‍മകള്‍ക്കും വികാരങ്ങള്‍ക്കും വരെ വിലയിട്ടാണ് മാസാവസാനം ബാങ്കില്‍ സാലറി അക്കൗണ്ട്‌ ക്രെഡിറ്റ്‌ ചെയ്യുന്നത് . കണ്ണാടിയിലേക്ക് നോക്കി ഞാന്‍ തലചീകി . . ഓര്‍മകള്‍ക്ക് അര്‍ദ്ധവിരാമം. ടൈ കെട്ടി . ചുമരില്‍ ഒട്ടിച്ച മഞ്ഞ കടലാസ്സില്‍ നോക്കി . പേഴ്സ് , മൊബൈല്‍, ലാപ് ടോപ്‌ , എല്ലാം എടുത്തു .
വീട് പുട്ടി പുറത്തിറങ്ങി . വെയില്‍ ദിനംപ്രതി കുടി വരുന്നു . ചെന്നൈ എന്നും ചൂടിലാണ് . ഇവിടുത്തെ ചേട്പെട്ടിലെ ചേരികളില്‍ വരെ കാണാം , കുംബാരം കുടി കിടക്കുന്ന ചവരുകള്‍കിടയില്‍, ദുര്‍ഗന്ധം വമിക്കുന്ന അഴുക് ചാലിന് നടുവില്‍ , , പെട്ടികടകള്‍ മാതിരി കെട്ടി ഉയര്‍ത്തിയ ചേരി വീടുകളുടെ കരിനിറഞ്ഞ ഭിത്തികളില്‍ വെളുത്ത ഒരു സ്പ്ളിറ്റ് എ സി .
വീണ്ടും ഞാന്‍ നടന്നു . നായരുടെ ചായ പീടികയില്‍ കച്ചവടം പൊടിക്കുന്നു . പണ്ടൊക്കെ വല്യ തറവാടികളായി കുമ്പി കുലുക്കി നടന്നിരുന്ന പല നായര്‍ അപ്പുപന്മാരും മക്കള്‍ അങ്ങ് മദിരാശിയില്‍ ബിസിനെസ്സ് ആണെന്ന് പറയുമ്പോള്‍ ഞാന്‍ ഭാവനയില്‍ കാണുമായിരുന്നു , കൊട്ടും സുടും ഒക്കെ ഇട്ട കൊറെ നായന്മാര്‍ . പക്ഷെ പണ്ടത്തെ മദ്രാസ്‌ മെയില്‍ തിരുവനന്തപുരത്ത് നിന്ന് ചൂളം വിളിക്കുമ്പോള്‍ , തങ്ങളുടെ ആട്യത്തമോക്കെ അവിടെ ഉപേക്ഷിച്ചു ഇവിടെ എത്തുന്ന അവര്‍ , ചായ പിടിക നടത്തി ആണ് ഉപ ജീവനം കഴിച്ചിരുന്നത് . ( അകലങ്ങള്‍ പലപ്പോഴും ദുരഭിമാനം കുറയ്കുന്നു ) .
നായരെന്നു പറഞ്ഞാല്‍ ഇവിടെ ചായ ആണ് .
ചേട്ടോ ഒരു ചായ -
- ആ ഉണ്ണിയാ. കേരളാവില്‍ മഴ ഉണ്ടോ എന്തോ .
- ചേട്ടാ കേരളാവില്‍ അല്ല .. കേരളത്തില്‍
- എന്നമോ ഏതോ ..
ഒരു ചായ എന്ന് പറഞ്ഞാ പണ്ട് ഞാന്‍ വിട്ടില്‍ കുടിച്ചിട്ട് അടിയില്‍ പൊടി ഉണ്ടെന്നു പറഞ്ഞു മിച്ചം വയ്ക്കുന്ന അത്രേം വരും . എങ്കിലും നായരുടെ ചായയ്ക്ക് ഒരു സ്വാദാണ് .
കാശു കൊടുത്തു..... ദ്രിധിയില്‍ വീണ്ടും നടന്നു . റോഡിനരികിലുള്ള ആ കുഞ്ഞു ക്ഷേത്രത്തില്‍ മുഖത്ത് മഞ്ഞളിട്ട മദിരാശി പെണ്ണുങ്ങള്‍ പ്രാര്‍ത്ഥിക്കുന്നു . ലാലേട്ടന്‍ പറഞ്ഞത് പോലെ എണ്ണ കറുപുള്ള തെലുങ്കതികള്‍ നടക്കുന്നു . പട്ടിതുടല്‍ പോലെ , കഴുത്തിനു ചുറ്റും നീലയും പച്ചയും മഞ്ഞയും നിറത്തിലുള്ള ID കാര്‍ഡ്‌ ഇട്ട കോര്‍പ്പറേറ്റ് യുവ ജനം തിടുക്കത്തില്‍ നടക്കുന്നു . സോഫ്റ്റ്‌വെയര്‍ സുന്ദരികള്‍ മുറി ഇംഗ്ലീഷ് പറഞ്ഞ് കോ workerinte വാഹനങ്ങളുടെ പുറകില്‍ തൊട്ടുരുമി ഇരുന്നു പോകുന്നു . മെട്രോ അങ്ങനെ ഓടികൊണ്ടേ ഇരിക്കും . പല ഭാഷകളില്‍ . രാപകലുകളില്‍ ..
-എങ്കെ പോണും സാര്‍ര്‍ ര്‍
- ഗിണ്ടി പോകുമാ
- ആമ ..
ഞാന്‍ ഷെയര്‍ ഓട്ടോയില്‍ കേറി . എന്റെ അടുത്ത് ഒരു സുന്ദരി വന്നിരുന്നു . സുന്ദരി ആണെന്ന് അവളെ പറഞ്ഞുട.. പക്ഷെ ഐശ്വര്യം ഉണ്ട്. കാതിലുടെ ഒതുക്കി വയ്ക്കാന്‍ നോക്കുന്ന മുടിയിഴകള്‍ മന്ദം അവള്‍ടെ കവിളുകളില്‍ ഉരസി . ഒരു SLR ക്യാമറ കിടിയിരുന്നെങ്കില്‍ ആ പാറി നടക്കുന്ന മുടി ഫോക്കസ് ചെയ്ത് , ചുണ്ടും കവിളും ബാക്ക്ഗ്രൂണ്ടിലകി ഒരു സ്നാപ് എടുകണം എന്ന് തോന്നി. ഓര്‍മ്മകള്‍ തെന്നി മാറി .. "സൂര്യന്‍ കുറ്റി ചൂലുമായി ദിവസവും മനസിന്റെ മുറ്റം അടിച്ചുവാരുന്നു . പക്ഷെ അടിക്കാടുകള്‍ നീങ്ങുന്നില്ല . പാടുകള്‍ മായുന്നില്ല . " . പല മുഖങ്ങള്‍ കാണുന്നു ഞാന്‍ . പലതും എന്നെ ആകര്‍ഷിക്കുന്നു .. പക്ഷെ ആകര്‍ഷിച്ച എല്ലാ മുഖങ്ങളും അടുകി വെച്ച് നോക്കിയാല്‍ അവയില്‍ എല്ലാം അവളുടെ ഒരു കണിക എങ്കിലും കാണും . ഒന്നുകില്‍ ആ മൊണ കാടിയുള്ള ചിരി . അല്ലേല്‍ കാതിലുടെ ഒതുക്കി വെച്ച മുടി ഇഴകള്‍ . അല്ലേല്‍ സ്പടിക പെട്ടിയില്‍ വളര്‍ത്തുന്ന മീനുകളെ പോലെ വെട്ടി മാറുന്ന വെളുത്ത ഉണ്ട കണ്ണുകള്‍ . എല്ലാരിലും ഉള്ള ആ ചെറു കണികകളിളുടെ ഞാന്‍ എന്നും സ്നേഹികരുള്ളത് അവളെ തന്നെയാണ് . ആസ്വടികരുള്ളത് അവളുടെ സവ്ന്ദര്യം തന്നെ ആണ് .
"മനുഷ്യര്‍ അങ്ങനെ ആണ് . കാണുന്ന ഒന്നിളുടെ പലരും അറിയുന്നത് പലരെ ആണ് . "
കിന്നരി പല്ലുകള്‍ ആയിരുന്നു അവള്‍ക്കു . എനിക്ക് പലപോഴും തോന്നിയിരുന്നു , അതിനെ ഒന്ന് തൊട്ടു നോക്കുവാന്‍ . മുല്ലപോ പോലെ മ്രിദുലമാണോ എന്ന് ഒന്ന് അറിയുവാന്‍ .
ഓര്‍മകള്‍ക്ക് തടയിട്ടു officeile ഒരു കോ worker മലയാളി എന്നോട് ചോയ്ച്ചു .
എനിക്ക് എന്നോട് തന്നെ പുച്ഛം തോന്നി . മനസ്സില്‍ അടക്കി വെച്ച നിന്റെ ആത്മാര്‍ത്ഥ പ്രണയം ചവിട്ടു കുടയില്‍ അവള്‍ ചുരുട്ടി എറിഞ്ഞു . .AC യിലും വിയര്‍ക്കാന്‍ സാധിക്കും എന്ന് ഞാന്‍ തിരിച്ചറിഞ്ഞു
ഞാന്‍ ഹാഫ് ഡേ ലീവ് അപ്ലൈ ചെയ്ത്. . ബാഗും എടുത്തു പുറത്തിറങ്ങി .. നേരെ വിട്ടു .. lemon tree . 5 സ്റ്റാര്‍ ബാര്‍ . മദ്യപിക്കാന്‍ പറ്റിയ അന്തരിക്ഷം . അതിനെകാള്‍ വലിയ കാരണവും . . അവള്‍ടെ മുഖം മറക്കാന്‍ വേറെ വഴി ഞാന്‍ കണ്ടില്ല . 3 കൊല്ലം പ്രേമിച്ചു. പലര്‍ക്കും ആ സ്നേഹം പങ്കുവയ്കുന്നത് കണ്ടും വിഷമിച്ചു . പക്ഷെ പിന്മാറിയില്ല. എല്ലാം മാറി അവള്‍ അവനില്‍ നിന്ന് ഒക്കെ അകന്നിട്ടും എന്താ എന്നെ തിരിച്ചറിയാത്തത് ? ഞാന്‍ വീണ്ടും വീണ്ടും ചോയ്ച്ചു .
ഞാന്‍ ഓര്‍ഡര്‍ ചെയ്തു - ഒരു രുമനോവ് . ശീക്രം എടുങ്ക ബോസ്സ് .
രുമനോവ് വന്നു . പിന്നെയും വന്നു . പലതവണ വന്നു . ഞാന്‍ waitorine വിളിച്ചു
എല്ലാ പേരും ഒരു കണക്കിന് കഷ്ടപെടുകയാണ് . മദ്യം വിളംബാന്‍ നില്കുന്നവന്‍ എന്തൊക്കെ മണത്തു നോക്കണം .. പാവം..
ഉദര നിമിത്തം ബഹുകൃത വേഷം .
അവസാന പെഗ്ഗും സപിട്ടിടു. ബില്‍ 4000 കൊടുത്തു . ഞാന്‍ ആടിയാടി പുറത്തിറങ്ങി . വീട്ടില്‍ പോകാന്‍ കാലുകള്‍ അനുവദികുന്നില്ല.ഞാന്‍ മെല്ലെ ആരും തിരിച്ചറിയാത്ത ഒരു waiting സ്റ്റാന്‍ഡില്‍ ഇരുന്നു . സമയം ഒരു അഞ്ചര ആകും .
കാനുനീരിന്റെ ഫ്ലോ റേറ്റ് കുടി
ഓര്‍മ്മകള്‍ അഭ്രപളിയിലെന്നോണം മനസ്സില്‍ ചലിച്ചു . കരച്ചില്‍ അടക്കാന്‍ സാധിക്കുന്നില്ല . ശബ്ദം പുറത്തു വരാതിരിക്കാന്‍ ഞാന്‍ പാടെ പനിപെട്ടു..
ഒരു എങ്ങികരച്ചില്‍ എനിക്ക് കേള്‍ക്കാം .. എന്നും വിളിപ്പാടകലെ ഞാന്‍ ഒതുക്കി നിര്‍ത്തിയിരുന്ന എന്റെ ആ വിലാപം എനിക്ക് കേള്‍ക്കാം .. രണ്ടു കൈയും എടുത്തു ഞാന്‍ വായ പൊതി പിടിച്ചു . എന്നിട്ടും എന്റെ കാതില്‍ അത് മുഴങ്ങുന്നു .. ഒരു കുഞ്ഞു കൊച്ചിന്റെ ശബ്ദം പോലെ ..
ഞാന്‍ ഒന്ന് വശത്തേക്ക് നോക്കി . ഒരു 4 വയ്യസ്സ് വരും ... ഇല്ല മുന്ന് വയസ്സ് വരും . അതിന്ടെ വിലാപം ആണ് .. വേദനയോടെ ഞാന്‍ അതിനെ നോക്കി . . അതെന്നെയും . എണ്ണ പുരട്ടാതെ കാറ്റത്തു പാറി നടക്കുന്ന മുടി . മുഷിഞ്ഞ കിറിയ ഒരു കുപ്പായം . ആരും സ്നേഹത്തോടെ ഒന്ന് തലോടിയിടു പോലുമില്ലാത്ത കവിള്‍. അതില്‍ ദയനിയത നിറഞ്ഞു നിന്ന് . കണ്ണുനീരാല്‍ അത് തിളങ്ങി . തെണ്ടി ചെക്കനാണ് എന്ന് പറഞ്ഞ് ഞാന്‍ മാറിയിരുന്നെനെ . പക്ഷെ ഉള്ളില്ലുള്ള രോമനോവ് വിസ്കി എന്റെ ഹൃദയത്തെ താത്കാലികം ആയെങ്കിലും വലുതാക്കിയിരികുന്നു . ഞാന്‍ കണ്ണുനീര് തുടച്ചു . അടുത്തേയ്ക്‌ പൊയരുന്നു ..
-- എന്നാച്ച്‌ .
-- പസിക്കുത് സാര്‍ .. നാല് നാളാ സാപിടല്ലേ സാര്‍ .
ചെറുക്കന്‍ നിര്‍ത്താതെ കരയുന്നു . വിശപ്പ്‌ സഹിക്കാന്‍ വയ്യാതെ. ഉള്ളില്‍ ഞാന്‍ ഒന്ന് ഞെട്ടി .. ഒരു 100 രൂപ ഞാന്‍ എടുത്തു കൈയില്‍ വെച്ചു കൊടുത്തു . പൊടി പുരണ്ട നെറ്റിയില്‍ ഞാന്‍ ഒരു മുത്തവും കൊടുത്തു . . പെട്ടെന് അവന്‍ എയുന്നേറ്റു കണ്ണുനീര് തുടച്ചു . അടുത്ത തട്ട് കടയിലേയ്ക് ഓടി .
അടുത്ത് വന്നു നിന്ന ഷെയര്‍ ഓട്ടോയില്‍ ഞാനും കേറി പറഞ്ഞു .
രാമപുരം പോണം ..
ഓട്ടോ ഗിണ്ടി കടന്നു . ഞാന്‍ ഓര്‍ത്തു നാളെ അവന്‍ എന്ത് കഴിക്കും . ഞാന്‍ എഞ്ചിനീയര്‍.. ആവശ്യത്തില്‍ കുടുതല്‍ ശമ്പളം . വേദന വന്നാല്‍ കുടിയ്ക്കാന്‍ മദ്യം . . . ഇടാന്‍ ഉടുപ്പ് . പാര്‍ക്കാന്‍ വീട് .. എന്നെ ഇഷ്ട്ടപെടാത്ത ഏതോ ഒരു പെണ്ണിന് വേണ്ടി ഞാന്‍ ഒഴുക്കിയതു കണ്ണുനീരാണോ , അതോ അര വയറു നിറയ്ക്കാന്‍ ആവതില്ലാതെ അവന്‍ ഒഴുക്കിയതു കണ്ണുനീരാണോ .. ആരാണ് ഇവിടെ കരഞ്ഞത് ...
അപ്പോഴും ഒരു സുന്ദരി അടുത്തിരുന്നു പാട്ട് കേള്‍ക്കുന്നു . ഞാന്‍ അങ്ങോട്ട്‌ നോക്കിയില്ല. ഓര്‍മകളില്‍ ആ കരിപുരണ്ട പയ്യന്‍റെ കണ്ണുനീര് നിറഞ്ഞു നിന്നു . ഞാന്‍ വീണ്ടും ചോദിച്ചു . ആരാണ് വാസ്തവത്തില്‍ കരഞ്ഞത് .
No comments:
Post a Comment